DAVAO CITY – Muabot na sa 418 ang kinatibuk-ang ihap sa mga kanhi piniriso nga naka-benepisyo sa GCTA law ang misurender sa Davao Prison and Penal Farm o mas nailhan nga DaPeCol.
Apan sa nahisgutang ihap, 349 lamang ang mga heinous crime convicts nga naggikan sa lain-laing dapit.
Gikanayon ni Supt. Benhur Pantaleon, OIC sa Davao Prison and Penal Farm, matag adlaw naay mosurrender sa DaPeCol human sa kamanduan ni Pangulong Rodrigo Duterte.
Sumala ni Pantaleon, gisunod nila ang kamanduan sa New Bilibid Prison nga i-recall ang tanang mga GCTA beneficiaries gikan sa tuig 2012 nga moabot ngadto sa 6,000 ka mga Persons Deprive of Liberty (PDL).
Pinaka-ulahi nga misurrender mao ang usaka kanhi sundalo nga taga South Cotabato ug na-priso sa correctional facility sa Iwahig Penal Farms sa Palawan sulod sa 29 ka tuig gumikan sa kasong murder ug nakagawas niadtong 2016.
Sumala pa niini, nadugay siya sa pagsurender gumikan sa kapit-os hinungdan nga nagpakitabang na lamang siya sa kapulisan sa South Cotabato aron sa Dapecol na lamang magpa-recall.
