-- ADVERTISEMENT --
Gikatahong upat ang nakabsan sa kinabuhi kalakip na ang wala pay usa ka tuig nga baby human sa nahitabong disgrasya sa Upper Mesolong, Sto. Niño, Talaingod, Davao del Norte, kaganinang buntag.
Sumala pa sa inisyal nga imbestigasyon, padulong matud pa maligo ang pamilya sa dagat apan pag-abot niini sa nahisgutang lugar, nawad-an matud pa og preno ang Elf truck nga ilang gisakyan nga maoy nahimong hinungdan sa pagkatumba sa sakyanan,rason nga nalagpot ang pipila ka mga pasahero.
Dali nga gidala sa balay tambalanan ang mga nakahiagom og samad sa lawas, samtang padayon pang ginapanubayan ang ihap sa mga sakay niini.
Ning kasamtangan, nagpadayon pa sab ang imbestigasyon kalabot sa maong insidente.
