DAVAO CITY – Upat na lang ka mga barangay sa dakbayan sa dabaw ang naa karon sa Low risk sa coronavirus disease 2019.
Subay sa labint ulahi nga gipagawas nga barangay classification sa lokal nga kagamhanan sa dakbayan sa dabaw gikan Abril 25 hangtud Abril 30, 2022 ang mga nalakip sa Low risk barangay classification mao ang Barangay Bago Oshiro, Maa, Panancan ug Tigatto.
Samtang, tungod sa nagpadayon nga pag-ubos sa mga kaso sa COVID 19 sa dakbayan sa dabaw wala na karoy gikatala nga mga barangay nga naa sa Critical risk, high risk, ug moderate risk classification.
Makonsidera na lamang sumala pa nga minimal risk ang nahabiling 178 ka mga barangay sa dakbayan sa dabaw.
Bisan pa niini, padayon gihapon ang pahinumdom sa lokal nga kagamhanan sa publiko nga likayan ang dili importanting nga lakaw ug uban pang mga pagbyahe nga alang lamang sa kalingawan.
Kanunay usab nga batasanon ang pagsul-ob ug facemask gumikan kay gikatala lamang gihapon ang pipila ka mga kaso sa makatakod nga sakit dinhi sa dakbayan.
