DAVAO CITY – Liboan ka mga dabawenyos ang misalmot sa duck, cover ang hold nga gipahiyon sa Davao City isip pagsaulog sa National Disaster Resilience Month.
Ang pagpatingog sa siren sa mga lugar sa R. Castillo Agdao, City Hall Annex, Matina Aplaya, Toril Fish Port, mga establisimento ug mga barangay ang simbolo nga nagpahibalo sa usa ka linog.
Misalmot sa maong kalihukan ang mga estudyante, magtutudlo, ug empleyado sa pribado ug ahensya sa gobyerno, ug bisan sa mga pampublikong lugar ug mga mall. Aktibo silang misalmot ug mihimo sa duck, cover and hold sa dihang pagbuhi sa Davao City Risk Reduction and Management Office (DCRRMO) sa ilang siren alas 9 kaganina sa buntag.
Sumala pa ni DCRRMO administrative officer Lyndon Ancajas nga ang regular nga pagpahigayon sa maong mga emergency drills ilabi na ang duck, cover and hold nga pamaagi kini nga magtudlo sa mga katawhan ug mag-andam kanila sa panahon sa emerhensya.
Dugang pa niya, nga ang pagpangandamug kalig-on usa kaimportante matang sa kaluwasan kung adunay muabot nga mga kalamidad sama na lamang sa linog ug tsunami.
Sa miaging tuig malampuson usab ang pagpahigayon sa Shake Out Drill nga gisalmutan sa tunga kamilyon nga mga Dabawenyo.
Apan, sumala kang Ancajas lakip na karun sa shake out drill ang mga pag set-up ug usa ka field hospital.
Sumala kang Ancajas nga importante nga malakip ang pagset-up sa maong ospital tungod kay usa kini sa mahinungdanon nga institusyon panahon sa mga kalamidad.
Kay kini usab ang dangpanan sa mga tao nga makaamgo ug mga samad o injury panahon sa kalamidad.
