DAVAO CITY – Mapasalamaton ang 38 ka mga kanhi rebelde sa compostela Valley nga natabangan sila sa kagamhanan nga makapailalom sa training sa Technical Education and skills Development (TESDA) sulod sa lima ka bulan aron nga magbaton sila ug kaalam nga mamahimo nilang magamit sa pagbag-o sa ilang kinabuhi.
Atol sa gipahigayon nga graduation, gidawat sa mga kanhi rebelde ang ilang National Certification diin nagpamatuod kini nga mamahimo na sila nga makapangita ug trabaho gumikan sa ilang mga nakat-onan sa training. Gawas sa certification, adunay gitunol sab sa mga nahisgutan nga starter tool kit.
Sumala pa kang Arlyn Bandang, Provincial director sa TESDA, dakong tabang matud pa nga ma-edukar ang mga nahisgutan gumikan kay usa kini ka pamaagi aron nga magbaton ang mga kanhi rebelde ug igong kahanas nga ilang mamahimong magamit sa umaabot nga panahon.
