Taliwala sa nagkaguliyang karon nga sobra ka daghang mga investment scheme sa rehiyon, mitumaw na usab ang lain pang religious organization, kung diin sama sa Kapa Community ministry international nagatanyag usab kini og dakong tubo sa kuwarta.
Pasabot ni Christine Flores, ang tigpamaba sa Omnipotent Ministries International nga naa nahimutang sa Matina Crossing ning dakbayan sa Dabaw nga dili pay-in kung dili intended offering ang ilang tawag sa kuwarta nga ipasulod sa ilang simbahan.
Dugang pa ni Flores nga mitanyag sila ug 38% nga tubo sa matag minimum nga 6,380 nga ihatag nga intended offering ug sulod sa unom ka bulan madawat na sumala pa ang kinatibuk-ang salapi.
Gibarugan sa organisasyon nga wala sila makasupak sa regulasyon sa Securities and Exchange Commission kun SEC sanglit biblical o nahisubay kini sa bibliya ang ilang gihimo nga subay sa Luke 6:38 nga nagkanayon “give and it shall be given unto you…” Nasyaran nga ang nahisgutang religious organization, gipamunuan ni Bishop Rolito Espere nga taga Bangkal ning syudad ug napahigayon og healing ministry sa Rizal Park ning dakbayan sa dabaw.
