Pabilin nga gitambalan sa mga doktor sa Southern Philippines Medical Center ang usa ka 38-anyos nga si alyas Alvin nga residente sa Brgy. 76-A, Bucana ning dakbayan sa Davao tungod sa mga samad human nga gidunggab kini sa iyahang ka-inom.
Subay sa report gikan sa San Pedro PNP, nahitabo ang pagpanunggab pasado alas Dusi kagabii samtang ang biktima ug ang suspek nga iyahang kainom nga si alyas Romy, 47-anyos, usa ka welder ang iyahang nakalis.
Wala usab gikabutyag sa mga otoridad kung unsa ang gikabiklan sa duha nga miresulta sa pagpanunggab human nga mikuha sumala pa og kutsilyo ang suspetsado. Naigo ang biktima sa iyahang tuo nga bahin sa tiyan ug sa wala nga bahin sa dughan. Dali usab nga narespondehan ang maong panghitabo sa mga otoridad og nadakpan ang suspetsado.
Narekober usab sa mga otoridad ang gigamit nga kitchen knife sa suspek nga anaa karon sa otoridad nga himuong ebidensya alang sa pagpasaka og kaso.
Nasayran nga managsilingan ang suspek ug ang biktima. Sa karon, ginasubay pa sa mga otoridad ang hinungdan sa ilahang panaglalis.
