DAVAO CITY – Balhog sa Calinan Police Station ang usa ka alyas Bai atol sa gilusad nga drugbuybust operation.
Gipahigayon ang operasyon pasado alas onsi ang takna kabii sa Purok 14, Sitio Villahermosa, Bgy. Wangan, Calinan District ning dakbayan sa Davao.
Subay sa report sa kapulisan, giila ang dinakpan nga usa ka street level individual nga nag edad ug 38-anyos, ulitawo nga residente sa Atis Street, Brgy Tigatto Buhangin, ning syudad sa Davao.
Nakumpiska sa nahisgutan ang gibana-banaan nga iligal nga droga kon shabu nga mitimbang og 5.1 grams nga nagkantidad ug Php. 33,640.
Nakumpiska sab sa mga otoridad ang usa ka motorsiklo nga gigamit sa suspek atol sa transaksyon.
Sa pagkakaron ang dinakpan ang pasakahan kini ug kaso nga pagsupak sa RA 9165.
