DAVAO CITY – Pipila ka semana na lamang usab ug panahon na alang sa kasaulogan sa ika 37 nga Kadayawan sa Davao diin usa kini ka week-long celebration gikan Agosto 15 hangtud 21 ning kasamtangang tuig.
Sa maong usa ka semana nga selebrasyon, daghan ang laumang mga aktibidad diin gidasig usab sa Davao City Tourism Office ingon man sa Kadayawan Executive Committee ang katawhan nga makisalmot ug makiglipay-lipay.
Sa Calendar of Activities alang sa 37th Kadayawan sa Davao, gikatakda sa Agosto 5, alas 4:00 sa hapon ang Opening sa Kadayawan Tribal Village.
Sa mismong adlaw usab, alas 6:00 sa gabii, ipahigayon ang Kadayawan 3D Mapping sa facade sa City Hall.
Ipahigayon usab sa Agosto 6 ang Hiyas sa Kadayawan Cultural Presentation Talent Night sa Bantawan Amphitheatre Magsaysay Park alas 6:00 sa gabii.
Sa pikas bahin, ang Agosto 15 mao ang pormal nga pag-abli sa Kadayawan.
Samtang sa Agosto 16 ipahigayon ang Bantawan. Agosto 17 usab ipahigayon ang Koronasyon sa Hiyas sa Kadawayan.
Agosto 18 mao ang Sayaw Kadayawan. Ipahigayon sab sa Agosto 19 ang Dula Kadayawan samtang sa Agosto 20 ipahigayon ang Indak Indak sa Kadayawan sa San Pedro Square7 gikan alas 7:00 sa buntag hangtud alas 12:00 sa udto ug ang Pamulak sa Kadawayan, Pitik Kadayawan ug Tambayayong sa Kadayawan ang ipahigayon sa Agosto 21.
