DAVAO CITY – Sikop sa gipahigayong firearms operation ug pinaagi sa warrant of arrest ang 37-anyos nga lalake nga giilang si Joen Davis Martesio sa mismong panimalay niini sa Purok Maripusa, Sitio Yapsay, Brgy. Taytayan, Cateel, Davao Oriental.
Narekober sa kapulisan ang usa ka unit sa improvised homemade shotgun, submachine gun, Cal. 38 revolver, Uzi Magazine, Call. 45 Cartridge, upat ka-piraso nga 12-gauge ammo, duha ka Cal. 45 ammo, lima ka 38 ammo, 18 ka-piraso sa Cal. 9mm ammo, usa ka inside holster, sling bag ug usa ka plastic cellophane.
Nadakpan ang suspek human sa hiniusang operasyon sa mga personahe sa Cateel Municipal Police Station nga gipangulohan ni PMAJ Randy T Galicia; COP Regional Special Operation; CIDG Davao Oriental nga gipangulohan sab ni PMAJ Ricky Fornolles, ug 113rd SAC 11 SAB PNP SAF, 1ST DOPMC nga gipangulohan ni PMSG Ronald Buhat nga subay sa direktiba ni PMAJ Rowel M. Balmores.
Sa kasamtangan, nagpadayon gihapon ang imbestigasyon sa mga ototidad kalabot sa maong dinakpan.
Via || DAVID FRANCISQUETE
