Gikataho sa Department of Health (DOH) nga miabot na sa 354 ka kaso sa rabies ang natala sa ilang buhatan gikan Enero 1 hanggang Setyembre 14 ning tuiga ug tanan matud pang pasyente nakabsan og kinabuhi.
Subay sa datos sa DOH, sa maong ihap, 23% kining mas taas tandi sa 287 ka kaso niadtong milabay nga tuig. Gani, 10 na ka rehiyon sa nasud ang natala nga dunay taas nga kaso sa rabies sa milabayng bulan diin lakip na niini ang National Capital Region (NCR), Ilocos Region, Cagayan Valley, Bicol Region, Central Visayas, Eastern Visayas, Zamboanga Peninsula, Northern Mindanao, Davao Region, ug Soccsksargen.
Nunot pa man niini, naobserbahan sa maong buhatan nga ‘consistent’ ang pagkunhod sa ihap sa kaso sa rabies sa nasud.
Apan, padayon gihapon nga ginaawhag sa DOH ang publiko nga magpabiling magbinantayon ug ‘proactive’ aron malikayan ang ‘rabies transmission.’
Mamahimo sab malikayan ang rabies pinaagi sa timely vaccination alang sa mga binuhing hayop ug mga taong ‘expose’ sa kagaw.
