Gilusad sa 10th Infantry Division (Agila) o 10ID, uban sa pakigtambayayong sa Provincial Government of Davao del Norte ang Oplan KKK (Kaagapay sa Kalinaw ug sa Kalamboan), nga naghatod og mga serbisyo sa gobyerno ngadto sa 350 ka mga residente sa Brgy. Madaum, Tagum City, Davao del Norte kagahapong adlawqa.
Gipangunahan sa 60th Infantry Battalion ug gisuportahan sa 10ID Dental Dispensary ug 10ID Station Hospital, ang Medical and Dental Civic Action Program (MEDCAP) nga naghatag og libreng medical ug dental consultation, tambal, bitamina, eye screening, legal assistance, libreng haircut, feeding program, food packs, ug pagpanghatag og tsinelas, school supplies, ug mga punuan (seedlings).
Sumala ni Major General Alvin Luzon, Commander sa 10ID, nga ang maong inisyatiba nagpakita sa lig-on nga kolaborasyon tali sa militar, lokal nga panggamhanan, ug mga stakeholders sa pagpalambo sa kaayohan sa komunidad.
Nagpahigayon usab ang 60th Infantry Battalion og information awareness drive kabahin sa West Philippine Sea aron mapalawom ang pagsabot sa publiko mahitungod sa nasudnong soberanya.
Pinaagi sa padayon nga civil-military operations, nagpadayon ang 10ID sa pagpalig-on sa papel niini isip kasaligan nga kauban sa seguridad ug kalamboan sa tibuok sakop nga lugar nga ilahang giserbisyohan.
