Mukabat sumala pa sa 34 milyong Pilipino o anaa sa 6.9 milyon ka pamilya ang makapahimulos sa ‘Bigas 29’ program sa National Food Authority (NFA) nga gikatakdang ilusad sa Metro Manila ug piniling mg lugar sa nasud.
Tumong sa nahisgutang programa nga mabaligya sa mga Kadiwa centers ang nakapundong bugas sa kantidad nga P29 matag kilo.
Gipahayag ni NFA administrator Larry Lacson, pagahimuon lamang sa mga piniling lugar ug mga Kadiwa centers ang nahisgutang kalihukan apan sa ilahang panaghinabi sa Department of Agriculture (DA), ang intensyon sa nahisgutang programa mao nga mahimong nationwide apan gikinahanglang i-pilot una sa mga Kadiwa centers.
Ang programang “Bigas 29” ang limitado lamang sa vulnerable sector susama sa mga benepisyaryo sa conditional cash transfer program sa gobyerno, persons with disabilities, senior citizens ug solo parents.
Gipaneguro usab sa NFA nga ang ibaligyang daan nga bugas ang maayo ang kalidad ug mi-agi sa maayo nga pagrikisa. Dugang gipahayag pa sa NFA Administrator, adunay ginasunod sila nga standard ug sa higayong nakatulo kabulan ang bugas, mamahimo kining makunsedera nga aging stock apan ang tulo kabulang bugas ang dili old stock gumikan sa papel lamang ang pagsulti nga aging stock ang bugas.
