Gilubong sumala pa sa Taal Lake ang 34 ka mga sabungero nga gikatahong kalit nga nangawala, upat ka tuig nang nakalabay.
Sumala pa sa usa ka indibidwal nga mibulilyaso sa maong panghitabo, nga gipatay matud pa ang mga biktima pinaagi sa pagtuok gamit ang wire.
Gipaklaro sab niini nga ang tanan sumala pa nga mga sabungero maoy nasakpang nanikas sa sabong.
Desidido sumala pa siya nga musulti sa kamatuoran ug nagpasalig nga iyahanag ipadayag ang tinuod nga utok sa pagpatay sa mga sabungero.
Gibutyag sab niini nga adunay sab matud pay mga drug lord nga lakip sa gipanglubong sa Taal Lake.
Nasayran nga ang unom ka mga security guard nga lakip sa mga nangawala maoy giila nga sila Julie Patidongan, Gleer Codilla, Mark Carlo Zabala, Virgilio Bayog, Johnry Consolacion, ug Roberto Matillano Jr.
Padayon sab ang ginabuhat nga imbestigasyon sa Department of Justice ug Philippine National Police alang sa pagtaral sa maong kaso.
