DAVAO CITY – Gibantayan karon sa Davao City Public Safety and Security Command Center (PSSCC) ang 34 ka mga heinous crime convicts gikan dinhi sa dakbayan sa Davao nga nakabenepisyo sa Good Conduct Time Allowance (GCTA).
Una ng gibutyag ni PSSCC head Angel Sumagaysay nga padayon karon nga gisubay sa otoridad ang mga nahisgutan ilabi na nga pipila ka adlaw na lamang matapos na ang 15 ka adlaw nga lugway ni Pangulong Rodrigo Duterte batok sa mga nahisgutan aron nga motahan sa kapulisan.
Una ng gibutyag sa Police Regional Office (PRO)-Davao, nga adunay kinatibuk-ang 76 ka mga heinous crime convicts ang nakagawas subay sa record gikan sa Bureau of Corrections (BuCor).
Gikanayong ang dakbayan sa Davai ang adunay pinakataas nga mga peneriso nga nabuhian ilalom sa GCTA nga anaa sa 36 diin tulo ka ang mitahan; Davao del Norte adunay 9; Compostela Valley, 4; Davao Oriental, 12; Davao del Sur, 13 ug usa ang misurender; ug Davao Occidental adunay 2.
Gipagawas ang mga nahisgutan sukad Oktubre 2013 hangtud na sa 2019.
Sa kasamtangan, gibalik na ang mga nahisgutan sa Davao Prison and Penal Farm alang sa recomputation sa GCTA.
