DAVAO CITY- Nasikop sa mga personahe sa National Bureau of Investigation XI, ang usa ka 34-anyos nga foreigner kagahapon sa hapon atol sa gimugnang entrapment operation sa usa ka hotel sa Crocodile Park, Maa ning dakbayan tungod sa matud pa child trafficking ug child abuse sa upat ka babae diin lakip na niana ang 3 ka menor de edad.
Sumala pa ni NBI XI Agent Vicente Essex Minguez nga aduna silay nadawatan impormasyon gikan sa Inter-Agency Council Against Trafficking mahitungod sa suspetsadong naobserbahang adunay upat ka babaye sa hotel.
Atol sa operasyon, ang mga NBI agents ang giakompanyahan sa hotel management sa pagsulod sa kwarto sa maong suspek ang nakita kini kauban ang mga babaye sa lahi nga kwarto.
Matud pa nga ang maog grupo ang micheck-in niadtong Hunyo 20 ug naka iskedyul na unta kini silang mag check out kagahapong adlawa. Gani matud pa ni DSWD Social Welfare Officer II Gladys Credo nga maoy nakahinabi sa 19-anyos nga babaye nga usa sa menor de edad ang uyab matud pa sa maong langyaw nga 34-anyos nga taga estados Unidos.
Matud pa nga igo lamang nagbakasyon dinhi sa dakbayan ang maong foreigner samtang ang maong 19-anyos nga babaye ug 3 niini ka kauban nga menor de edad ang matud pa gikan pa sa Maragusan og miadto lamang dinhi sa dakbayan aron magbakasyon usab.
Dugang pa niana, plano aron sa NBI nga i examine ang mga gamit sa matud pa uspetsado og biktima lakip na ang laptop niini alang sa dugang ebidensya.
Ang maong suspect ang kasamtangan ng naka-detain sa NBI office samtang ang mga na rescue nga menor de edad ang ibutang ngadt sa protectuve custody sa Department of Social Welfare and Development XI diin makadawat kini sila og psycho-social intervention.
Ning kasamtangan, nagdumili na sa una ang abogado sa 34-anyos nga langyaw sa paghatag og pamahayag. Nagapdayon usab ang imbestigasyon mahitungod niini aron masuta usab ang tinuod nga panghitabo.
Dugang pa nga og masayrang tinuod ang alegasyon batok sa langyaw, posible kini mapasakaan og kasong sa child trafficking ug pagsupak sa Republic Act 7610 kon Child Abuse Law.
