31 ka mga tigulang sa usa ka Care Home sa China, patay tungod sa pagbaha

Miabot na sa 31 ka mga tawo ang namatay human giigo sa dakong pagbaha ang usa ka care home alang sa mga tigulang sa Miyun District sa China.

Ang tubig-baha milapas pa sa tawo sa nasampit nga lugar, diin kadaghanan sa mga namatay mao ang mga dili na makalihok o makapanalipod sa ilang kaugalingon.

Gidawat sa mga otoridad nga adunay kakulangan sa ilahang emergency planning.

Sa kinatibuk-an, 60 na ka mga tawo ang namatay tungod sa dagkong pagbaha nga mitungha human sa pipila ka mga adlaw nga pag-ulan sa China.

Sa Hebei province, 16 na ang natala nga patay, samtang walo usab ang namatay sa Chengde province.