DAVAO CITY – Gumikan sumala pa sa gipakusgan nga Peace and law enforcement operation sa mga nagkadaiyang ahensiya sa kagamhanan ilabi na sa kasundalohan, miabot na sumala pa sa 31 ka mga High Value individuals nga miyembro sa Communist Party of the Philippines-New People’s Army-National Democratic Front (CPP-NPA-NDFP) ang ilang na-neutralize.
Base sa datus sa Eastern mindanao command, sukad Enero hangtud Octobre ning kasamtangan nga tuig, anaa sa 3 ang napatay, 15 ang misurender ug 13 ka mga miyembro sa rebelde ang nasikop ug napasakahan ug kaso.
Sa ikatulong quarter ning kasamtangan nga tuig, kinatibuk-ang 13 ang napatay, 129 ang mitahan, ug 10 ang nasikop.
Anaa sab sa 1,441 ka mga miyembro sa mass organization ang wala na mipakita ug suporta sa komunistang kalihokan.
Padayon sab ang panawagan sa kasundalohan ngadto sa uban nga miyembro sa NPA nga mas maayong malinawon nga mobalik sa sabakan sa kagamhanan gumikan kay andam nga tabangan ang mga nahisgutan nga magsugod sa ilang bag-ong kinabuhi.
