DAVAO CITY – Gilayon nga mihimo karun ug lakang ang lalawigan sa Laak Davao de Oro human nga nakasinate ang barangay Naga sa lugar ug diarrhea outbreak.
Sa kasamtangan, anaa na sa tulo ang natala nga namatay ug anaa sa 22 ang nadala sa balay tambalanan samtang 150 ka mga pamilya ang apektado sa maong outbreak.
Usa sa mga lakang nga gihimo karun sa lokal nga kagamhanan mao ang pagpanghatag ug mineral water, biscuits, ug chocolates sa mga apektadong residente ug food packs sa mga nadala sa balay tambalanan.
Ang mga tropa sab gikan sa 60th Infantry Battalion ang nanghatag ug congee kauban ang MRRD Laak ingon dugang tubig sa mga residente.
Migahin na sab ang Provincial Local Government Unit Davao de Oro ug chlorine pinaagi sa ilang mga personahe arun nga matabangan sila nga ma-assist ang hinungdan sa outbreak.
Nanghatag ba sab karun ang ahensiya sa Department of Health XI ug mga tambal nga gilangkuban sa 10 ka mga kahon sa metronidazole tablets ug 250 packs sa Oral Rehydration Salt.
Adunay tanke usab sa tubig ang gipahimutang sa lugar arun nga magamit sa mga residente.
