DAVAO CITY – Nangayo ug pakitabang ang tulo ka mga ginikanan kini human nga ang ilang mga anak nga menor de edad gidala sa mga sakop sa New People’s Army (NPA) sa Laak lungsod sa Davao de Oro.
Sumala pa kang 1Lt Amadeuz VJ Celestial, Civil-Military Operations (CMO) officer sa 60th Infantry Battalion, nga human ang engkuwentro tali sa kasundalohan ug mga rebelde sa Laak sa milabay nga semana, giduol sila sa mga ginikanan sa tulo ka mga batan-on nga gikanayong gi-recruit sa mga NPA.
Una niini nanguna ang 60th IB, kaabag ang local DSWD ug Municipal Disaster Risk Reduction Management Office (MDRRMO) sa Laak, sa paghatag ug assistance sa mga apektadong pamilya.
Sumala pa kang Emerito Tanoko ug sa iyang asawa nga si Marife, gikuha sa mga rebelde ang ilang duruha ka mga anak duruha ka semana na ang milabay.
Usa sumala pa niini giilang si Raymond, 18 anyos ug Patrick,16 anyos.
Sayod sumala pa nga gi-recruit ang ilang mga anak sa NPA apan wala sila nakapangayo ug tabang gumikan sa kahadlok nga mabutang sa alanganin nga sitwasyon ang ilang mga anak.
Samtang gibutyag sab sa usa ka Larry Masalote, nga kalakip sab sa gidala sa mga rebelde ang usa ka Sherwin, 17 anyos, kauban ang mag-igsuon nga Tanoko.
Nabalaka ang nahisgutan gumikan kay usa ka special child ang iyang anak.
Sa kasamtangan, padayon ang gipahigayon nga pursuit operation sa kasundalohan batok sa mga miikyas nga mga rebelde.
