DAVAO CITY – Gipasalig sa Police Regional Office (PRO) 11 nga ila pang palig-onon ang ilang anti-drug campaign ug gukdon kadtong nga nalambigit sa ginadili nga droga.
Kahinumduman nga gikatakda na nga pasakaha ug kaso ang tulo ka nga suspetsado nga kalakip sa watchlist sa otoridad human nga nasikop sa duruha ka simultaneous police operations sa milabay nga adlaw.
Una ng nadakpan sa mga personahe sa Toril Police ang usa ka Seth Gabrielle Consuegra Uzman, alyas “SETH”, 22 anyos, lalaki, single ug estudyante ug residente sa Blk. 37, Lot 2, South Villa Heights, Catalunan Grande, ning dakbayan diin nakuhaan kini ug marijuana nga kantidad sa P1, 300. Sikop sa lain nga operasyon ang usa ka Boven Eyan Toribio Pajaron, alyas Mobin, 22 anyos, lalaki, ulitawo, estudyante ug residente sa Purok 10, Brgy. 76-A, ning siyudad ug usa ka Kyle Vincent Basong Fonte, 19 anyos, lalaki, ulitawo estudyante ug residente sa Blk. 39, Lot 18, Phase 2, Deca Homes Tacunan, ning siyudad.
Nasikop ang mga nahisgutan sa mga sakop sa Sta. Ana Police Station sa Roxas Ave., Brgy. 23-D diin narekober sa ilang posisyon ang 0.0500 grams sa shabu nga kantidad sa P1, 000.00.
Gikatakdang pasakahan ug kasong kalapasan sa Republic Act 9165 kun Comprehensive Dangerous drugs act of 2002.
Gimandoan na sab ni PBGen Marcelo C Morales, Regional Director, ang tanan nga mga unit sa kapulisan nga pahugtan ang ilang pagmonitor sa PNP drug war ilabi na nga nagkabata na ang mga nalambigit niini.
