DAVAO CITY – Tulo ka mga dagkong proyekto sa siyudad ang temporaryo una nga gipadaplin human nga miubos ang income sa lokal nga panggamhanan gumikan sa grabe nga epekto sa COVID-19.
Una na nga gibutyag ni Davao City Mayor Inday Sara Duterte-Carpio nga tulo ka mahinungdanong proyekto kalakip na ang pagpalapad sa City Hall of Davao building ingon man ang pagtukod sa City College of Davao ug Davao City Hospital ang dili una mapatuman sanglit matapos na ang iyang ikaduhang termino isip Mayor sa mid-2022.
Una nang gibutyag ni Mayor Inday nga lakip ang 2021 budget sa lokal nga kagamhanan ang anaa sa P9.871 billion o adunay pag-ubos nga P466 million kung itandi sa P10.337 billion budget kini tungod sa epekto sa ekonomiya nga gihatud sa Covid-19 nga miresulta sa ubos usab nga koleksiyon.
Samtang ang pag-apruba sa Annual Budget sa 2021 ang gisapinal na ning kasamtangan.
