DAVAO CITY – Gikumpirma sa tulo ka mga kanhi miyembro sa New People’s Army (NPA) nga susamang nasikop sa militar atol sa ilang operasyon ang kalambigitan sa pipila ka mga lumad school ngadto sa rebeldeng kalihukan.
Subli nga gisaysay nila ni Nasria Bansil ug Gelie Jorain Ngojo nga susamang nadakpan sa kasundalohan kaniadtong Nobyembre 14 sa Mapula Paquibato District nga mga scholar ug magtutudlo sila sa Mindanao Interfaith Services Foundation Incorporated (Misfi) ug nagtinir sa UCCP-Haran.
Sumala pa kang Bansil nga bisan wala siya gibansay isip combatant apan giplano sumala pa sa rebeldeng kalihokan nga himuon siyang medic.
Samtang gikanayon sab ni Arnold Dausay Dalin, usa ka ata Manobo ug NPA surrenderee, sagad sumala pa sa mga estudyante sa lumad schools ang ginapatambong sa mga rally kini aron mahatagan sila og dagko nga points sa ilang klase.
