27 patay sa misteryosong sakit sa Democratic Republic of Congo

Patay ang 27 ka tawo sa dili pa masayrang sakit nga usa ka bulan nang nasinati-an sa Democratic Republic of Congo.

Ang maong matang sa sakit ang adunay symptoms nga kalintura, sakit sa ulo ug ubo nga nakaapekto sa tanang edad lakip na ang mga bata.

Gikatala ang mga kaso niini sa rehiyon sa Panzi nga adunay limitadong health facilities.

Gumikan sa nahisgutang panghitabo, gipadala na ang usa ka grupo sa mga epidemiologist sa lugar ug gipahinumduman ang publiko nga dili mag-panic ug limitahan una ang mga paglihok.

Ang Democratic Republic of Congo (DRC) ang usa sa mga pinakakabus nga nasud sa kalibutan ug dili pa lamang dugay, naigo usab kini sa outbreak nga mpox kung diin mosobra sa 1,000 ka tawo ang nangamatay gumikan sa nahisgutang sakit.