DAVAO CITY – Gipangsuspende ug gipangtangtang sumala pa ni Medel Aseo Bishop sa Tagum City ang pipila ka mga pari sa Diocese of Tagum gumikan sa mga kalapasan niini sa ilang priesthood.
Gikanayong ang maong mga pari nakalapas sa vow of celibacy o “state of abstaining from marriage and sexual relations.
Subay sa gipagula nga Circular Number 6 nga gi-address sa Parish Priests, Administrators ug Chaplains, school principals/administrators, ug Lay Faithful sa Diocese of Tagum, gidid-an ni Medel ang 26 ka mga pari nga makapahigayon og gimbuhaton sa simbahan kini base sa nakalatid sa Code of Canon Law.
Naila ang mga nahisgutan nga sila si Father Marlon Avenido, Fr. Gerry Cosal, Fr. Jovito Niniel, Fr. Marino Angostura, Fr. Daniel Ranalan, Fr. Felix Abangin, Fr. Artemio Lebria Jr., ug Fr. Jojie Vingno.
Kalakip sab sa gisuspende sa Bishop sila si Fr. Miguel Guzman, Elmer Pontilar, Emmanuel Patriarca, Jesus Dandoy, Jr., Narciso Jadraque, Raymundo Honor, Fernando Juab, Eulalio Moring, Romulo Malooy, Engelbert Causing, Elca Aridel, Jerum Quitoriano, Judel Salarda, Ernest Pallo, ug Reynaldo Moso sa pagpahigayon ug priestly ministry.
Samtang nakadawat sab og penalty of leave of absence and without faculties si Fr. Noel Refamonte, samtang si Fr. Arnel Celis ang gipahamtangan og preventive suspension sa priestly ministry ug without faculties to celebrate sacraments and sacramentals.
Susama sab ang gipahamtang kang Father Alih Pizarras.
Gitataw ni Aseo nga gihimo ang maong lakang aron nga mas magiyahan ang mga nahisgutan ilabi na ang pagsalmut sa mga liturgical celebrations.
