DAVAO CITY – Kinatibuk-ang 2,585 regular employees sa lokal nga panggamhanan ang makadawat ug bonus subay sa ilang performance sa higayon nga mapalabang na ang Supplemental Budget 1 sa City Council.
Una ng gibutyag ni Konsehal Danilo Dayanghirang, head sa City Council committee on finance, nga ang igahin nga pundo alang niini ang anaa sa P1,474,394,612.98, diin P33 million ang igahin alang sa mga regular city employees.
Samtang gibutyag sab sa konsehal nga ang Human Resource Management Office mohimo ug assessment kini base sa guidelines nga gipangayo sa Civil Service Commission (CSC) ug Department of Interior and Local Government (DILG).
Gi-awhag na lamang sa opisyal ang mga empleyado nga himuon ug tarong ang ilang responsibilidad ingon man performance sa ilang trabaho.
