DAVAO CITY -Magpadayon ang pagpa-ilalom sa dakbayan sa dabaw sa Modefied General Community Quarantine sa bulan sa Setyembre.
Gibutyag ni Davao city Mayor Inday Sara Duterte nga nakakuha siya ug iniysal nga impormasyon nga ang dakbayan sa Dabaw ang magpabilin lamang gihapon sa Modified General Community Quarantine (MGCQ) gikan sa Setyembre 1 – 30.
Tungod niini, target usab sa syudad nga sa ika-tulo nga semana bulan sa Setyembre hingpit nang abrihan pag-usab ang Roxas Night Market. Apan, 25% lamang gikan sa kinatibuk-ang ihap sa mga vendors ang tugutan nga makapaninda nga molungtad lamang usab sulod sa duha ka semana.
Human sa duha ka semana, hatagan na usab sumala pa ug laing kahigayunan ang uban pang mga vendors aron makapaninda sa night market.
Tumong sumala pa niini nga mapabilin ang physical distancing ug health protocol aron malikayan ang pagtakod-takod sa covid 19.
Gikatarungan ni Mayor Inday Sara nga angayang ibalik na ang operasyon sa night market gumikan kay taas na nga panahon nga nawad-an ug panginabuhian ang mga vendors gumikan sa pandemya.
Samtang, gikumpirma usab sa Mayor nga mamahimong wagtangon na sa bulan sa oktobre ang pagpatuman sa 24 hr liquor ban.
Kung ugaling subling mosaka ang ihap sa kaso sa covid 19, mangita na usab ug laing pamaagi ang syudad aron kini ang makontrola.
