DAVAO CITY – Gipasabot ni Davao City Mayor Inday Sara Duterte Carpio nga ang pagtapos sa gipatuman nga 24 hour liquor ban sa Setyembre 21 ang dili alang sa mga manginomay kung dili aron mapadayon ang susama nga negosyo nga dugay sab nga gidili dinhi sa dakbayan tungod sa bahad sa covid-19.
Kahinumduman nga gitino sa Mayor nga bisan tapuson na ang liquor ban, hugtanon pa gihapon nga gidili ang beerhouses, clubs ug bars bisan pa man sa kamandoan sa Department of Trade and Industry (DTI) Guidelines nga tugtan kini nga mag-operate ilalom sa modified general community quarantine (MGCQ).
Samtang padayon pa gihapon ang panawagan sa opisyal nga gidili pa gihapon ang drinking sessions gumikan kay dakong bahad pa gihapon kini sa Covid-19.
Una na sba nga gibutyag sa Mayor nga dili tugtan ang pag-inom sa pampublikong lugar inay mas maayo sumala pa nga anaa lamang sa panimalay.
Kahinumduman nga kaniadtong Marso 18 dihang gipatuman ang extended hours sa liquor ban sa siyudad tungod sa Covid-19 pandemic
