DAVAO REGION- Gibutyag ni Angeli Nacorda, Regional Case Management Officer sa Department of Social Welfare and Development nga ning kasamtangan mikabat sa 70 ka households ang gisuspende ug 24 ka household ang gitangtang na sa lista sa Pantawid Pamilyang Pilipino Program kon 4Ps tungod sa offences nga pagprensa sa cash cards.
Gi-angkon gayud sa 4P’s DSWD-Davao nga bisan pa man sa ilahang grabeng pagpaningkamotaron makahatag ug impormasyon , adunay gihapoy pipila ka mga benepisyaryo nga ginaprenda ang ilahang cash cards.
Apan matud pa nga aduna usba pagkunhod sa susamang mga kaso tungod sa kolaborasyon nga mga paningkamot sa lokal nga panggamhanan sa rehiyon.
Ang DSWD-Davao niingon nga aron ma-discourage ang mga benepisyaryo sa 4Ps sa pagprenda sa ilang mga cash card, nakig-alayon sila sa mga LGU sa paghimo og ni Margie Cabido, Division Chief sa 4Ps DSWD-Davao ang ilang dugang nga mga paningkamot sa pag-lobby sa mga LGU aron matubag ang pagprenda sa cash card ug dili maayong pamatasan sa mga nakadawat sa 4Ps.
Gitumbok niini nga ubay-ubay na nga mga LGUs ang nagpatuman na og mga ordinansa nga nagpunting niadtong nagpahimulos sa mga benepisyaryo.
Dugang pa ni Cabido nga ubos sa maong mga ordinansa, ang pagpahulam ngadto sa mga benepisyaryo gi-discourage, ug ang paggamit sa ilang mga cash card alang sa lahi lahi nga katuyoan susama pagsuporta sa mga anak sa pamilya, diin ilegal kini tungod kay ang mga cash card gipanag-iya sa gobyerno.
Namatikdan usab niya nga ang mga hinungdan sa pagprenda sa mga benepisyaryo sa ilang mga cash card naglakip sa mga emerhensya sa pamilya, impluwensya sa kaubanan, paghulam og salapi, o piho nga mga panginahanglanon sa pamilya nga nag-aghat sa panginahanglan sa pagprenda sa cash card.
