DAVAO CITY – Patay ang usa ka 24 anyos atol sa gilusad nga buybust operation sa mga operatiba sa Sta.Ana PNP pasado alas 12 ang takna sa tungang gabii.
Una ng naila ang suspek nga si Bernabe Alison, residente sa Prk. Sta.Cruz, Brgy.Leon Garcia, Agdao ning dakbayan sa Davao.
Sa report gikan sa Sta.Ana PNP, samtang gipahigayon ang buybust operation sa Belisario St. Brgy. San Antonio Agdao, ubos sa kamanduan ni PMaj.Michael Uyanguren nga samtang nahuman na ang transaksyon, nagpaila ang usa ka poseur buyer nga otoridad, apan ang suspek miatras ug mibunlot sa iyang armas ug mipabuto hinungdan nga nabalsan kini nga miresulta gayud sa pagkaigo sa iyang wala nga dughan.
Gidala pa ang nahisgutan sa SPMC apan gideklara kini nga dead on arrival.
Narekober sa crime scene pinaagi sa SOCO ang .38 revolver ug mga bala samtang nakuhaan sab ang nahisgutan og 12 ka mga pakete sa shabu.
Lakip sab ang timbangan ug cp nga gigamit niini sa pagpamaligya og iligal nga druga.
