DAVAO CITY – Naa sa 230 ka mga army reservists ilalom sa 2202nd Ready Reserve Infantry Brigade (2202ND RRIBde) ang mitabang sa mga quarantine checkpoints sa Davao City aron mobantay sa mipatigbabaw nga Enhanced Community Quarantine (ECQ) gumikan sa Coronavirus Disease 2019 (COVID-19).
Sa usaka pahayag gikanayon ni 2202 Ready Reserve Brigade commander Col. Isidro Ungab, naka-deploy ang tanang mga personahe niini sa mga barangay sa Toril, Mintal ug uban pang sakop sa ilang brigada, aron ipabilin ang kahapsay sa mga mga checkpoints ilabi na sa crowd control.
Sumala ni Ungab, motabang usab ang iyang tropa sa kapulisan ug kasundaluhan nga bantayan ang mga menor-de-edad, senior citizen ug mga buntis nga maka-adto sa mga pampublikong lugar sama sa palengke ug supermarket gumikan sa issue sa panglawas.
Dugang pa niini, motabang usab ang mga army reservist sa pagkarga, repacking ug pagpanghatag ug relief goods sa mga apektadong pamilya sa ECQ ug uban pang mga kahimanan aron pakigbatukan ang Covid-19.
