23 Pinoy Crew sa oil tanker, naluwas sa missile attack sa Red Sea

Naluwas na ang mga crew sa oil tanker nga naigo sa missiles samtang anaa sa kadagatan sa Red Sea.

Ang Greek-flagged nga Sounion ang naigo sa daghang mga missile samtang anaa sa Hodeida City.

Nasayran nga adunay kinatibuk-an nga 25 ka mga crew kung diin 23 sa mga nahisgutang ihap mga Filipino samtang ang duha mga Russians.

Sa karon wala pa’y grupo nga miangkon sa nasampit nga insidente apan dako ang pagtuo sa mga otoridad nga kini hinimuan sa mga Houthi rebels tungod sila ang perming anaa sa likod sa pagpangataki sa nasampit nga dagat.

Sumala sa Joint Maritime Information Centre (JMIC), naka-angkla na karon ang barko sa Red Sea tali sa Eritrea ug Yemen.