DAVAO CITY – Putol ang ulo sa usaka 19 anyos nga babaye human mibangga sa gikasugat nga elf ang gisakyan niining motorsiklo sa highway sa Mawab, Davao de Oro kaganinang buntag lamang.
Giila ang biktima nga si Donna Belle Caspello, 23 anyos, dalaga ug molopyo sa Tulunan, Cotabato ug collector sa usa ka micro lending company.
Subay sa imbestigasyon sa kapulisan, nahitabo ang bangga las 7:10 kaganinang buntag sa KM.67 National Highway, Barangay Tuboran, Mawab, Davao de Oro tali sa usaka Isuzu Elf Truck nga adunay plate number GDN 8856 ug gi-maneho ni Zaldy De La Cruz Policarpio, 41 anyos, minyo ug nagpuyo sa Purok7 Bangkas Heights, Toril, Davao City ug sa Honda XRM Motorcycle, nga adunay temporary Plate No.1101-578377 ug gi-maneho ni Donna Belle C. Caspillo, 23 anyos, dalaga, ug residente sa New Panay, Tulunan, Cotabato.
Nasayran nga gikan ang Elf truck sa Tagum city paingon sa Nabunturan Davao de Oro, samtang ang motor ang naa sa opposite direction gikan sa nabuntran paingon sa tagum city.
Apan pag-abot sa likuon nga bahin sa highway, nawad-an sumala pa ug control ang motorsiklo ug mibangga sa gikasugat nga elf truck.
Gumikan sa ka-kusog sa impact
Sa pagka-bangga naka-angkon ang biktima ug grabe nga mga samad ug bali sa kalawasan ug naputol pa ang ulo niini nga maoy hinungdan sa iyang hinanaling kamatayon.
Samtang, gikostudiya na sa kapulisan ang truck driver alang sa tukmang lakang nga pagahimuon.
