Nagtingkagol karon sa selda sa Ecoland Police Station ang usa ka 23-anyos nga ulitawo human nga nasakpan nga nangawat og batery sa truck pasado alas Dos kagainang kaadlawon duol sa gasoline station sa Brgy. Matina Aplaya ning syudad sa Davao.
Subay sa report sa kapulisan, giila ang suspetsado nga si Jay-ar nga residente sa Purok 8, Brgy. Matina Pangi ning syudad sa Davao.
Sa gihimong imbistigasyon sa kapulisan, usa ka 18-anyos nga ulitawo ang nakasaksi sumala pa sa pagpangawat og baterya sa suspetsado sa usa ka motorsiklo nga adunay sidecar nga gipanag-iyahan sa iyahang uyuan.
Gilayon nga nanawag og tabang ang nakasaksi ug tuod man nakauban niini ang usa ka 20-anyos aron komprontahon ang suspetsado apan misulay sumala pa kini og sibat hinungdan nga ilaha kining gipugngan.
Apan ang suspetsado mikuha sumala pa og kutsilyo og gilayon nga gidunggab sa likod nga bahin sa kaduha ka higayon ang 20-anyos nga si Norhamin.
Gilayon nga narespondehan ang maong panghitabo sa kapulisan, samtang narespondehan usab sa 911 ang biktima sa pagpanunggab ug gidala kini sa SPMC. Sa karon ang suspetsado gikatakda nga pasakahan og patong-patong nga kaso.
