Padayon nga nakasinati ang swine industry sa nasud ug African Swine Fever (ASF), kung diin makita sa Bureau of Animal Industry (BAI) tally nga mikuyanap na ang sakit sa hayop sa 11 ka mga rehiyon, 22 ka mga probinsya ug 64 ka mga munisipalidad hangtod Agusto 8.
Gikan sa unang ASF outbreak niadtong 2019, nakaapekto ang viral disease sa 74 gikan sa 82 ka mga probinsya sa tibuok nasud, apan gipahayag sa Department of Agriculture (DA) nga kini ang dili pa alarming gumikan kay available na ang bakuna.
Matod pa sa DA, mukabat sa 10,000 ka mga bakuna batok sa ASF ang nahiabot ug mamahimong pagasugdan ang pagbakuna sa adlawng martes.
Mipahimutang usab ang ahensya ug livestock checkpoints sa tibuok Luzon aron mapugngan ang pagkatag sa sakit ug maprotektahan ang livestock ug poultry industry.
