DAVAO CITY – Nagkahiusa karon ang National Union of People’s Lawyers ug religious organizations sa paglusad sa ilang kampanya aron nga atbangan ang Oplan Tokhang sa kagamhanan.
Matud pa kang Atty. Krissy Conti, secretary general sa NUPL-National Capital Region, nga nakiglambigit na sila karon sa church-based group nga Rise Up nga maoy manguna sa paghatag ug suporta sa mga nahimong biktima sa anti-drug war.
Manguna sumala pa ang sektor sa simbahan sa paghatag ug psychosocial services sa mga biktima ug sa pamilya niini samtang ang NUPL maoy mohatag ug giya ingon man legal assistance sa mga biktima.
Kahinumduman nga subling gilusad sa Philippine National Police ang Operation Plan Toktok-Hangyo diin gipasalig ni PNP chief Ronald Dela Rosa nga dili duguon ang maong lakang.
