DAVAO CITY – Dead on arrival ang usa ka ulitawo human kini mapusilan sa usa ka Non Uniformed Police atol sa nahitabong riot kaganinang kaadlawon, Hulyo 2, 2022, sa Esquena de Tavera corner V. Mapa and J Camus Extension Davao City.
Subay sa imbestigasyon sa San Pedro PNP, nahitabo ang insidente pasado alas 12:50 kaganinang kaadlawon diin dunay natigayong riot sa mga batan-on kinsa gikan nga nag inom sa Lugar Bar.
Giila ni PMaj. Benkalin Baluan, San Pedro COP, ang suspek nga si Marvin Rey Andrew Roflo Pepino, 31 anyos ug residente sa Phase 1, Block 4, Sapphire street, Hillside, Bajada, Davao City, usa matod pa kini ka doktor ug Non Uniformed Police kon NUP.
Samtang dead on arrival usab sa Davao Doctor Hospital ang ulitawo nga giilang si Amir Pulanon Mangacop, 21 anyos, kinsa residente sa Phase 5 El Rio Subdivision, Bacaca, Brgy. 19-B, Davao City.
Nakahiagom kini og several gunshots sa nagkadaiyang parte sa kalawasan niini.
Narekober sa crime scene ang 6 ka empty shell sa 9mm Gloc 43 pistol.
Kasong homicide ang atubangon sa suspek kinsa anaa na sa costudial facility sa San Pedro PNP og desidido usab ang kabanay sa biktima nga mupasaka og kaso.
Via || Mel Valledor
