DAVAO CITY – Napalabang na sa City Council ang 2019 Supplemental Budget 1 (SB1) alang sa lokal nga panggamhanan diin ang porsiyon sa pundo ang gamiton alang sa bonus sa 2,585 regular employees ug opisyal sa dakbayan.
Gikanayong ang naaprubahan nga SB1 nagkantidad ug kinatibuk-ang P1,474,394,612.98 ang sobra sa wala nagamit nga annual city budget.
Sumala pa kang konsehal Danilo Dayanghirang, proponent sa ordinance, ang P33 million nga iyang gitawag nga “productivity bonus” ang igahin alang sa mga regular city employees.
Gikanayong ang bonuses usa ka performance-based ug ihatag kini sa mga empleyado sa umaabot nga mga adlaw.
Gikanayong ang tanan nga mga local government officials ug plantilla ang makabenepisyo niini.
Tipik lamang kini human nga gibutyag ni Department of the Interior and Local Government (DILG) Secretary Eduardo Año nga na-comply sa dakbayan ang tanan nga mga kondisyon ug criteria nga maoy basehan sa paghatag sa fiscal year 2017 Performance-Based Bonus alang sa Local Government Officials ug Employees.
Gikanayon sab sa konsehal nga ang lokal nga panggamhanan pinaagi sa Human Resource Management Office ang mohimo ug assessment pinasikad sa mga sumbanan nga gipangayo sa CSC ug DILG.
Nasayran kang Dayanghirang nga ang performance rating dili moubos sa 50-percent.
