DAVAO CITY – Gikanayon sa organizers sa Palarong Pambansa 2019 nga kinatibuk-ang 2,000 security personnel ang ipakatag aron nga mo-assist sa 20,000 delegado kalakip na ang mga kaubanan ug pamilya sa mga players.
Kahinumduman nga ang dakbayan sa Davao unang mag-host sa Palarong Pambansa human ang 1950.
Sa nahisgutan nga panahon, gitawag pa kini nga Bureau of Public Schools-Interscholastic Athletics Association Games (BPISAA).
Una ng gilagdaan sa City Government of Davao ug Department of Education (DepEd) formally ang memorandum of agreement (MOA) isip pormal nga pamaagi sa pag-host sa siyudad sa giilang pinakadako nga sporting event sa nasod.
Sumala pa kang City Administrator Zuleika Lopez nga migahin ang siyudad ug P70 million alang sa hosting, diin P10 million ang alang sa peace and order deployment.
Gitataw sab ni Davao City assistant administrator for operations Lawrence Bantiding nga tanan 2,000 security forces ang ipakatag panahon sa palaro nga magsugod sa Abril 26 hangtud May 4.
Apan pipila sa mga personahe ang ipakatag na karon ilabi na nga hinay-hinay na nga moabot ang mga delegado dinhi sa dakbayan.
