Gikumperma sa Philippine Embassy sa Cambodia nga 20 ka mga Pinay ang gidala sa nahisgutang nasud aron mahimong baby maker, ang naluwas sa Cambodian National Police.
Matod pa sa embahada, naluwas ang nahisgutang mga babaye niadtong Septyembre 23 sa Kandal Province sa southeastern nga bahin sa Cambodia.
Sa 20 ka mga babaye, 13 niini ang anaa sa nagkadaiyang ang-ang sa pagbuntis ug anaa na sa hospital, samtang ang pito ang gikatakdang pabalikon sa Pilipinas.
Ang kagamhanan sa Pilipinas ang nakiglambigit sa mga hingtungdang ahensya aron pakigbatukan ang mga kaso sa surrogacy o human trafficking nga gikalambigitan sa mga Pilipino.
Kaniadtong Oktobre 8, gikatala sa The Khmer Times nga usa ka ahensya sa Pilipinas ang nagdala ug mga Filipina sa Cambodia aron artipisyal nga mabuntis ug sa higayong manganak na, ihatag ang gihimugso sa infant trafficking syndicate.
Na-recruit ang mga nahisgutan pinaagi sa online ug gihan-ay kuno sa recruiter ang pagbyahe sa mga Pinay sa Southeast Asian country ug pagkahoman gipadala sila sa Cambodia kung diin gidili ang surrogacy.
Nagpadayon ang embahada sa pakiglambigit sa mga awtoridad sa Cambodia alang sa paspas nga pagsulbad sa kaso.
