Gipangdakop ang 20 ka mga marinong Pilipino human masakmit sa Nigerian authorities ang dili moubos sa 20 kilos nga cocaine nga gitago sa usa ka barkong gikan Brazil padulong Lagos, sumala sa National Drug Law Enforcement Agency (NDLEA) niadtong Biyernes.
Nadiskubre ang taas nga kalidad nga cocaine sa usa ka Panama registered nga barko niadtong Domingo, nga gitago ubos sa kargamento.
Wala pa giila sa NDLEA ang eksaktong sulod sa shipment, apan kasagarang nagdala kuno ang maong barko og coal sa ruta nga Brazil ug Colombia.
Anaa na sa kustodiya ang mga Pinoy seafarer alang sa padayong imbestigasyon.
Bag-ohay lang, gipahibalo sa NDLEA nga nagtinabangay sila sa US ug UK anti-drug agencies aron sa pagsusi sa usa ka cartel nga nalambigit sa pagsulod sa 1,000 kilos nga cocaine nga nakaplagan sa usa ka container sa Lagos port.
