2 patay human gidaro sa sakyanan ang nagprusisyon

Patay ang duha ka mga tawo samtang siyam ang naagol human gibanggaan sa usa ka sakyanan ang usa ka prusisyon kagahapong adlawa kon Biyernes Santo sa gabii sa dakbayan sa Bacolod.

Subay sa imbestigasyon sa mga otoridad, pabalik na unta sa simbahan sa Barangay Alagilan ang prusisyon mga alas-siyete sa gabii dihang nabangga sa sakyanan ang usa ka tricycle.

Gidala gilayon sa balay tambalanan ang mga samaran nga mga biktima.

Gikustodiya na karon sa mga otoridad ang drayber sa sakyanan nga napamatud-ang usa ka Indian National.

Nagpadayon pa ang gihimong imbestigasyon sa mga otoridad kabahin sa nahitabong insidente.