DAVAO CITY – Nanga-angol ang daghanang pasahero nga sakay sa uso-uso human kini mibangga sa naka standby nga jeep, didto sa may Puan Highway, ning dakbayan, pasado alas 7 sa buntag.
Subay sa inisyal nga imbestigasyon, naka-standby lamang sa maong lugar ang usa ka jeep nga adunay rotang Toril-Roxas, apan kalit na lamang nabanggaan ang likod nga bahin niini sa nagpadulong nga uso-uso nga adunay rotang Darong-Roxas.
Gumikan sa kakusog sa impact, pipila ka mga indibidwal ang nanga-angol samtang padayon pang ginasuta ang ihap sa mga nahisgutan.
Depensa pa sa driver sa uso-uso, 40 lamang ang panadagan niini ug matud pa wala niini nabnatayan ang nakastandby nga jeep.
Nasuta usab nga walay loading/unloading area sa nahisgutang dapit rason nga posibleng adunay pagatubangon nga kalapasan ang maong driver.
Ning kasamtangang, gidala na sa balay tambalanan ang mg nanga-angol samtang anaa na sa kustodiya sa Baliok Police Station ang duha ka mga driver.
