2 ka semana nga suspensyon sa voter’s registration dili makaapekto sa operasyon sa COMELEC 11

DAVAO CITY – Gitino sa Commission on Elections (Comelec) 11 nga dili makaapekto sa ilang operasyon ang duruha ka semana nga suspensiyon sa voter’s registration.

Kahinumduman nga ubay-ubay ka mga botante ang wala nakaparehistro human nga temporaryo una nga gisuspende sa Comelec ang ilang operasyon.

Sumala pa kang Atty. Krisna Caballero, tigpamaba sa Comelec, tungod kay sa bulan pa sa Setyembre matapos ang pagparehistro, dili makaapekto ang duruha ka semana nga suspensiyon niini tungod sa Corona virus disease (covid-19).

Nangayo sab ug despensa ang buhatan gumikan kay wala gilayon nila napahibalo sa publiko ang gipatuman nga suspensiyon hinungdan nga ubay-ubay ka mga botante ang napalaw dihang miadto kini sa ilang buhatan.