DAVAO CITY – Duha ka mga sakop sa Special Action Force (SAF) ang nasamdan sa pagpamusil sa mga armadong kalalakin-an sa Barangay Litos, Sulop Davao del Sur pasado alas 10 ang takna kagabii.
Gikompirma usab ni Police Captain Darryl Francis Ramos, Chief of Police sa Sulop Municipal Police station nga usa usab sa mga armado ang napatay atol sa engkwentro.
Giila ni PCpt Ramos ang mga nasamdan nga mga SAF members nga sila PCMS Mervin A. Alapan ug Pat. Leonardo S Lawayan nga karon gipa-ilalom pa sa pagpanambal.
Gikanayon ni Ramos nga ang mga biktima ang kabahin sa duha ka team sa SAF nga gilangkuban sa 16 ka mga miembro nga gideploy sa Sulop isip augmentation force ning panahon sa eleksiyon.
SUbay sa imbestighasyon sa SUlop Municipal Police Station natigayon ang panagsangka alas 10:45 kagabii tali sa usaka section sa 111 Special Action Command (SAC), 11 Special Action Battalion (SAB), Philippine National Police- Special Action Force (PNP-SAF) nga gi-augment isip Quick Reactionary Force (QRF) alang sa National ug Local Election (NLE) 2022 ug sa kapin lima ka mga armadong kalalakin-an.
Millungtad ang panagsangka sulod sa 20 – 30 ka minuyos nga miresulta sa kamatayon sa usaka Renil L. Pagalan – usa sa mga armadong kalalakin-an.
Human ang panagsangka nakuha gikan sa lugar nga nahitabuan ang usaka wala maka boto nga hand grenade, Fragments sa hand grenade nga nakiita gikan sa lugar diin natigayon ang pagbusikad, 2 ka litro sa gasolina nga gibutang sa botelya sa ilimnong makakhubog ug gihimo nga molotov improvised bomb ug ang mga basiyo sa bala sa nagkadaiyiang matang sa armas.
Narecover usab gikan sa posisyon sa napatay nga suspect ang usaka caliber 45, nga adunay magazine nga puno ug mga balay, ug 4 ka mgka nagkadaiyang mga nagkalain-laing identification cards nga adunay nagkadaiyang mga addresses ug usaka cellphone.
Sa kasamtangnan nagpadayon ang Hot pursuit operation.
Gipasalig usab ni PBGEN BENJAMIN SILO, JR, regional director sa PRO 11 nga gihimo sa tanang PNP personnel ang ilang trabaho ug gipaniguro ang malinaw ug hapsay ngha pagpahigayon sa piniliay karong adlaw nga LUnes Mayo 9, 2022.
