DAVAO CITY – Nadakpan sa kapulisan ang duha ka mga Korean Nationals gumikan sa paghupot ug ginadili nga droga.
Giila ang mga dinakpan nga sila Minsoo Park, 43 anyos ug Keven Lee, 37 anyos.
Subay sa report, usaka buy bust operation ang gilusad sa kapulisan sa pagpanguna ni NBI XI regional director Jonathan Balite ug Atty. Behn Joseph Tesiorna sa PDEA XI alas 6:00 ang takna kagabii sa LGN street Bambu Estate Subdivision sa Barangay Sto. Niño, Tugbok District ning syudad nga miresulta sa pagkasikop sa nahisgutang duha ka mga korean national.
Napalitan ang mga langyaw sa nagpaka-aron ingnon nga buyer ug dako nga sachet sa gituohang shabu nga nagkantidad og usa ka libo ka pesos, ug nakuhaan usab ug lain pang usa ka dakong sachet sa susamang ginadiling droga nga nagkantidad og P12,000.
Ang mga suspek kasamtangan nang gibalhog sa National Bureau of Investigation Office XI detention facility.
Giandam na ang kasong paglapas sa Republic Act 9165 o Comprehensive dangerous Drugs Act of 2002 batok sa duha ka mga Korean nationals nga dinakpan.
