DAVAO CITY – Gikatakda ng dad-on paingon sa Singapore sa Hunyo 4 ning tuig kasamtangan ang duruha ka mga Philippine Eagle isip kabahin sa breeding laon agreement tali sa Pilipinas ug sa nahisgutan nga nasod.
Una ng gibutyag sa Philippine Eagle Foundation (PEF) mukabat sumala pa sa 400 ka mga pares sa mga adult philippine eagle ang anaa karon sa nasod bisan pa man nga limitado na lamang ang mga virgin forest nga sagad puy-an niini.
Kahinumduman nga aron ma-protektahan ang mga agila, suportado sa lokal nga panggamhanan ang 200 ka mga forest guard aron masiguro nga mabantayan ang mga agila samtang anaa sila sa kalangasan.
Aron nga modaghan pa ang susama nga klase sa langgam, dad-on ang duruha ka mga agila sa Singapore aron nga ipailalom sa 10 year wildlife loan agreement tali sa Deaprtment of Environment and Resources (DENR) ug Wildlife reserved Singapore.
Sumala pa kang Dr. Jayson Ibañez, director sa PEF, nga kung magmalampuson ang nahisgutan nga lakang, dad-on pabalik dinhi sa nasod ang mga agila ug buhian sa mga kalasangan aron nga subling modaghan ang populasyon niini.
