DAVAO CITY – Duha ka mga H125 helicopters gikan sa Philippine National Police Special Action Force Air unit ang gi-deployed sa Police Regional Office 11.
Mismo si Brig. Gen. Filmore Escobal, director sa PRO 11, uban kang Brig. Gen. Luisito P. Magnaye, deputy director, SAF Air Unit, nanguna sa pagpahigayon ug aerial inspection alang sa proposed location alang sa air station nga tukuron sa Davao Region.
Kahinumduman nga una nang gimanduan ni pangulong Rodrigo Duterte ang PNP nga mag-deploy ug ilang air assests sa Mindanao aron makatabang sa enforcement operations, pagpahigayon ug tactical, search ug rescue operation, disaster relief ug dinaliang field/staff flight operations.
Gipasalig ni Escobal nga pangunahan ang kasabutan tali sa lokal nga kagamhanan sa Island Garden City of Samal, diin itukod ang gisugyot nga station.
Sumala ni Escobal nga pinaagi sa nahisgutang mga helicopter mamahimong paspas ug sayon na ang operasyon sa kapulisan ilabi na niadtong nagkinahanglan ug diha-diha ug dinaliang aksiyon lakip na kadtong nagkinahanglan ug aerial support.
Lakip na niini ang pagtubag dayon sa airlift support kung gikinahanglan.
