DAVAO CITY – Gipasakahan na ug tukmang mga kaso ang duha ka empleyado sa gobyerno ug lain pang usa nila ka kaubanan nga nadakpan atol sa buy bust operation sa Sta Cruz, Davao del Sur.
Giila ang mga dinakpan nga sila Zarex Malasogue alyas Rex, 41 anyos, ulitawo, usaka government employee ug residente sa Purok Kapayapaan, Amlo Subdivision, Barangay Zone 3, Sta. Cruz, Davao del Sur.
Gikabutyag nga si Malasogue maoy punterya sa gilusad nga operasyon sa kapulisan gumikan sa kalambigitan niini sa pagpamaligya bug ginadiling druga, lakip na ang pagpagamit niini sa iyang pinoy-anan isip uskaa drug den.
Napalitan kini ug usaka sachet sa shabu nga nagkantidad ug usaka libo ka pesos sa usaka poseur buyer.
Atol sa operasyon nadakpan usab ang duha ka drug den visitors nga nailang sila Ronilo Diamante Jr., 36 anyos, ulitawo ug empleyado usab sa gibyerno ug Elieser Gabaton kinsa naaktuhan sa kapulipsan nga mihimo ug shabu session sulod sa drug den.
Nakompiska usab atol sa operasyon ang lain pang 6 ka sachet sa shabu nga nagtimbang ug 15 gramo ug adunay street value nga 225,000, nagkadaiyang mga drug paraphernalia ug e buy-bust marked money.
