Susamang dead on the spot ang gidangatan sa duha ka mga drayber sa motorsiklo human nga nalatayan sa truck atol sa nahitabong disgrsya kagahapong adlawa sa managlahing kugar dinhi sa dakbayan sa Davao.
Subay sa report sa mga otoridad, unang nahitabo nga disgrasya sa usa ka montorsiklo sa Phil-Japan Friendship Road atubangan Kingdom of Jesus Christ Compound, Catitipan,Buhangin District, ning syudad sa Davao City, pasado alas-3, kagahpon sa kadlawon.
Giila sa mga otoridad ang biktima nga si alyas Lito, 29-anyos nga taga General Santos City.
Subay sa inisyal nga imbistigasyon sa kapulisan, kalit lang nga nabangga ang biktima ngadto sa usa ka 10 wheeler truck samtang paliko kini aron magpatubil sa gasoline station.
Sumala pa sa mga nakakkita, paspas ang padagan sa motorsiklo nga walay suga.
Apan kini ang padayon nga ginapanubayan sa kapulisan pinaagi sa CCTV sa maong dapit.
Sumala pa sa dryaber sa truck nga hinay lamang ang iyahang pagpadagan padulong sa gasolinahan.
Sa karon ang wala panganling drayber sa truck ang anaa sa kostudiya sa kapulisan.
Samtang sa liang bahin, nakabsan usab sa kinabuhi ang usa ka drayber sa motorsiklo human kini natumba ug gilayong nalatayan sa usa ka container van pasado ala- 1:00 ang takna kagahapon sa hapon.
Subay sa report sa kapulisan, nahitabo ang didgrasya sa CP. Garcia Highway,Lanang, ning syudad sa Davao.
Subay sa report sa mga otoridad, giila ang biktima nga si Mohammad Midtimbang Guialil, 26 anyos, trabahante sa Bureau of Customs ug residente sa Tambunan I, Talayan, Maguindanao. Samtang ang drayber sa Container Van giila nga si Larry Tagbo Dayanan, 39 anyos, residente sa Purok 3, Mapacuan, Asuncion, Davao del Norte. Subay sa inisyal nga imbestigasyon, kalit nga natumba ang rider samtang nakadungan niini ang truck niadtong tungura.
Atol sa pagkatumba sa motor sa biktima nalabay kini sa tuo nga bahin sa ligid sa truck og nalatayan ang iyahang ulo.
Sa pagkakaron, gihiluna na ang patay nga lawas sa biktima sa iyahang kabanay.
Samtang padayon usab ang gihimong imbistigasyon sa kapulisan.
